(patoué de Tsarvensoù)
« Diqué l'è la tradechón ? Deun eunna sochétoù valdoténa iaou eungn è reumplì pe le discoù si la tradechón, eungn è sensiblo i nochón d'attatsemèn i rèise, eungn è contegnallamente pouchà pe l'idoù de conservachón, é eun mimo ten pouchà pe le disquechón euntre le dzi que vardon é salle que voulon tchandjì (ou que voulon apprende, ou que trompon, ou que se modernizon - selón le-z-idéolojie), l'è itaye pensaye eungn'enquéte de reprèize vidéo pe retchertchì le reprézentachón que tsaqueun de no se fé pe rappor i-z-élemèn pi eumpourtàn de noutra sivilizachón. Trèi dimande que to de chouite semblérian inetile no permetton de refléchì si sertèin-e valeue d'euntchì no. » (deutte pe Christiane Dunoyer)
Christiane Dunoyer prézentéré le rezultà de seutta retsertse tsaque dedzoù nite, d'entoo ouet aoue, aprì lo téléjounal de Rai3Vd'A. Tsaque émichón saré féta deun diffiente quemeue eun chouiyèn si calandrì :
12 désambre 2013 - Verrayes, Aoste
19 désambre 2013 - La Salle, Arvier, Avise
2 janvieue 2014 - Valgrisenche
9 janvieue 2014 - Challand-Saint-Anselme et Challand-Saint-Victor
16 janvieue 2014 - Donnas, Hône