Prézentachón di livro « Des plantes et des hommes »

28 décembre 2013 - Emarèse

 (patoué de Tsaensoù)

Lo Centre d'Etudes et Musée Abbé Trèves eunforme que lo 28 de désambre n'aré la prézentachón di livro « Des plantes et des hommes » de Alexis Bétemps.

L'oteue prèdzéré di-z-aspé jamì publià é pocca cougnì, i dzor de oueu, si le plante é le fleue de montagne. Bétemps penséré pa maque a dicriye le-z-erbe, le plante é le fleue d'eun poueun de vua botaneucco, mi prèdzéré étó di rappor que la sivilizachón de montagne l'a èi avouì le plante. Deun l'istouére, le plante l'an djouyà eun role eumpourtàn pe le dzi de montagne : l'an permì de protédjì, de neurrèi, d'arbeillì, d'itsaoudé, de fé passé de bon momàn de lèizì, de souagnì...

Lo doméne di plante saré dicriette pe Alexis Bétemps d'eun poueun de vua de leur uzadzo prateucco é de leue fonchón seumboleucca.

Seutta l'è la premiye di conféranse prévue deun l'inisiativa « Histoires et terroir » que lo Santre consacre a l'approfondissemèn di patrimouéno de la queulteua di montagnâ.

Lo Santre, que l'è nèissì l'an 2012, l'a lo but de promouèire é de trasmettre le cougnissanse istoreuque é queulterelle llattaye a la montagne é a se ressourse, i traaille, a l'économia é i térritouéo, a la via di petchoude communitó, deun la réya di penchiye de l'Abbé Joseph-Marie Trèves.

La conféranse saré desandro lo 28 de désambre 2013 a ouet aoue é demì di nite i Centre d'études Abbé Trèves  eugn Érésaz - Émarèse. Fa pa payì pe entré.

Eunformachón :

Association Abbé Trèves
51, veulladzo de Eresaz
11020 Emarèse (AO)
Daniela Peaquin : sophranie@alice.it
Franco Trèves : frago.tre@alice.it
Lucina Grivon : lu.grivon@comune.emarese.ao.it