Lo patoué a Les mots. Festival de la paolla eun Val d’Ousta.

17 avril / 04 mai 2014 - Aoste - place Chanoux

(patoué de Tsaensoù) Lo Festival de la paolla eun Val d'Ousta - organizoù pe l'Assessorà réjonal de l'éducachón é la queulteua - dèi sit an pren non Les mots é s'apreste pe sa seunquima édichón.

Dèi lo 17 de avrì i 4 de mi 2014, plase Chanoux de Veulla, veun pi eunna pégna agorà que éberdzeré de-z-écrivèn, de journaliste, de muzisièn, de-z-ommo é de femalle que eumplèyon la paolla comme eunstremèn pe cougnitre lo mondo é comme espréchón de ché mimo.

Renèitre l'è lo sujé cherdì pe sit an é véré éizamin-où to lo lon de eun reutso programme iaou son prévì de rancontre avouì le-z-oteue, de letteue téatralizaye, de momàn de mezeucca é de djouà d'apprentissadzo pe le mèinoù.

Lo patoué étó saré eun di protagoniste de seutta fita avouì « Eunna paolla pe dzoo » : queunze momàn difièn pe cougnitre lo patrimouéno leungueusteucco di francoprovensal a traè le vouése di-z-atteue de la Fédérachon Valdoténa di Téatro Populóro.

Eunformachón é contà

Réjón otonomma Val d'Ousta
Assessorà de l'éducachón è de la queulteua
Promochón di bièn é di-z-attivitoù queulterelle
Plase Deffeyes, 1 / Veulla
Téléfone 0165.273431 / 273457
Email d-promozione@regione.vda.it

Annexe