(patoué dé Bretsón) Le Journées de la civilisation, de l'histoire et de la culture valdôtaines tornon co tseht an éntó un programma teut gno, qu'ou véérà peu, én pieuch dé y atéyé é dé y attévétà didattéque organizà pé y ehcoyé valdotèn, un séminére pé y énségnàn dé y ehcole mouayenne.
Le Journées, réalizà pé l'Assessorà réjonal dé l'éducatsión é dé a queulteurra, sont organizà pé doné gnoa véa a l'echteugguio dé l'ichtouére é dé a sivilizasión da Val d'Ohta é co pé diffuzé dé bone pratécque éducative.
Caje 1400 ehcoyé é 40 énségnàn partésipéràn i Journées qu'i l'énvionéràn ou més d'avrì éntó dé atéyé organizà pé le minà dé y ehcole élémantére ou Muzé Arquéolojécco Réjonal. A mopart dé y attévétà, ou contrére, sé féjérat dou 3 ou 6 dé jouén 2014.