L'Icoula Populéra de Patoué, beuttéte eun pià pe l'Assessorà de l'éducachón é de la queulteua de la Réjón otonomma Val d'Ousta, prézente son dirì randévoù - pe le course di 2012/2013 - avouì le bén de lénva eun patoué.
Lo bén l'è organizó a Vatornentse - di 21 i 23 jeun 2013 - deun la Maison des vacances « La Villa du Séminaire » - Hameau de Muranche.
Nèisù de l'idó que an lénva pou po ihé divijéte di conteste istoreucco é sochal ioi que s'è developpéte é que son apprentissadzo pou po po tchan-ì contcho de la cougnisanse de la queulteua que l'a prouduita-là, hisse bén de lénva, organizó tsaque an pe l'Assessorà, complèton le course de l'Icoula Populéra eun baillèn la possibilitó de fée de bén de lénva, d'aggrégachón é d'aprofondissemàn di sujè llétó a la sivilizachón valdotèna.
Euncò pe lo bén de Vatornentse, comme pe tcheu le-z-otre bén que son reustó organizó, l'è prévù eun parcour didatteucco pe decouvrì lo territouéo. Voualà le-z-argumàn que sarèn developpó deun la feun de la senaa :
- Vatornentse é sa istouére
- L'istouére de l'alpinismo : l'abbé Amé Gorret é Jean-Antoine Carrel
- Le-z-eumplàn di-z-esquì é l'icoula di métre
Pe avèi de-z-eunfourmachón, prégnade contà avouì lo personnel de l'Assessorà.
Eunfourmachón :
Asséssorà de l'éducachón é de la queulteua
16, Creu-de-Veulla - 11100 Veulla
+39 0165 43386 - 363540
asspatois@regione.vda.it
www.patoisvda.org
Infoculture
18, Creu-de-Veulla - 11100 Veulla
Oréro: 10h00-13h00
+39 0165 265113 - 548116
infoculture@regione.vda.it
www.regione.vda.it/cultura