Tsertsa

Dichonéo

Contenù di site

Multimédià

Teste eun patoué

Documàn

Féhta dé quiodzeurra

15 / 19 mai 2012  - 50e Concours Cerlogne

(patoué dé Bretsón)

O Concours Cerlogne l'é eunna manifechtatsión organizà pé l'Assessorà dé l'éducatsión é da queulteurra da Réjón otonomma da Val d'Ohta, énsémbio o Centre d'Études Francoprovençales « René Willien »dé Saint-Nicolas, pé pousé - én choèn eunna polétécca qué a vot vardé é miné avante o patoué é a sivilizatsión valdoténa - a réalizatsión dé rétchertche a l'ehcola so a lénga é le traditsión.

Apré aé travayà ou lon dé teu l'an so l'arguemèn désidà pé tseht an « L'ehcola, cour dou veladjo », le 4200 partisipàn a tsétta 50a éditsión dou Concours, énségnàn é ehcoyé dé totta a réjón, ma co da Savouè, dou Valais, di Pouilles é di val dou Piémòn, sé rétroon é Fénis pé eunna grousa féhta dé quiodzeurra o 16, 17 é 18 dé mai.

O Concours Cerlogne, comme ou di l'Assessour Laurent Viérin, belle s'ou l'at aroà a 50 an, l'a pancorra perdù a cha vitalité, ou contrére, comme no mouhtra o numéró dé partisipàn. L'Assessour no récorda co qué fran tsou sussè dona o coradjo pé alé avante to eunna polétécca qu'a sohtièn o patoué éntó dé initsiative qu'i l'aidon a sé fère cogniche comme pouént di pieu émportàn da nohtra queulteurra é lénga douque i sé récognichon touì le Valdotèn é pa, comme élémèn qu'ou tièn énsémbio a sosiété é comme echtremèn qu'ou pout aidé a créche. Én effet, o patoué l'é pa macque a lénga da nohtra ichtouére, ma l'é co eunna lénga moderna é viva qu'a pout servì pé aidé l'éntégratsión én eunna sosiété vo dé élémèn tan diférèn tra dé iour. Én pensèn a tso, o Concours Cerlogne l'é fran eunna occazión émportanta.

L'Assessour l'é co contèn dé dire qué a modé dé l'an d'ehcola 2012/2013 o patoué intrérà a l'ehcola.

Pé levré, ou rémartsia a communoté dé Fénis pé teut o travai qué l'a ichtà feut.

Vouélà o programma da manifechtatsión :

Demarts 15 mai 2012

17h30 | Tsanté de Bouva

Inauguratsión dé y echpozitsión

18h30 | Guije

Messa én patoué, deutta pé l'évéhquie d'Ohta, monségneur Franco Lovignana, vo le cantour dé Fénis é o Cour dé Saint-Ours d'Aoste

Demécro 16 mai 2012

A modé di 9h30 | Tsanté de Bouva

Accouèi di partisipàn

9h45 | Tsanté de Bouva

Sérimonì d'iverteurra

10h, 11h30 et 14h45 | Palquet

Spettacle prézentà pé y ehcoyé dé Fénis

Dichtributsión di prich « Ami de Cerlogne »

13h | Palquet

Dené

de 10h à 16h | Chef-lieu

Animatsión

de 10h à 16h | Tsanté de Bouva

Flamma di Pochte

16h | Tsanté de Bouva

Parténtsa di classi

20h30 | Palquet - Tsanté de Bouva

Prézentatsión dou lévro « Jean-Baptiste Cerlogne - Écrits inédits » dé Alexis Bétemps, vo o Cour Saint-Roch

Dedjos 17 mai 2012

A modé di 9h30 | Tsanté de Bouva

Accouèi di partisipàn

10h, 11h30 et 14h45 | Palquet

Spettacle prézentà pé y ehcoyé dé Fénis

Dichtributsión di prich « Ami de Cerlogne »

13h | Palquet

Dené

de 10h à 16h | Chef-lieu

Animatsión

de 10h à 16h | Tsanté de Bouva

Flamma di Pochte

16h | Tsanté de Bouva

Parténtsa di classi

18h30 | Palquet - Tsanté de Bouva

Contchert vo a banda é le cantour dé Fénis é o groupe istorécco Le Cors dou Heralt

Devéndro 18 mai 2012

A modé di 9h30 | Tsanté de Bouva

Accouèi di partisipàn

10h, 11h30 et 14h45 | Palquet

Spettacle prézentà pé y ehcoyé dé Fénis

Dichtributsión di prich « Ami de Cerlogne »

13h | Palquet

Dené

de 10h à 16h | Chef-lieu

Animatsión

de 10h à 16h | Tsanté de Bouva

Flamma di Pochte

16h | Tsanté de Bouva

Parténtsa di classi

20h30 | Palquet - Tsanté de Bouva

Téatro én patoué dou groupe Le Armanac de Féic

Cabaret vo y artiste Milleret/Millet é dantse country

Desando 19 mai 2012

18h | Palquet - Tsanté de Bouva

Spettacle dé y ehcoyé dé Fénis é proyètsión dou film « Oh là là...les Français sont là... » feut pé y ehcole mouayenne dé Nus pé o projet INFEADO.