(patoué dé Bretsón)
Le 21 é 22 otobre qu'i vègnon, y é sarat a conféréntsa dou Centre d'études francoprovençales « René Willien » dé Saint-Nicolas, eunna rehcontra qué, comme touì y an, a vot aprofondì dé tème qu'i l'an a qué vére to a lénga ou l'etnografì di pais douque non prèdja patoué é dé tsi dé montagna.
Tseht'an o colloque, qué pé o premì co ou sarat én Ohta a l'Hostellerie du Cheval Blanc, l'arat comme arguemèn « Le bataye di vatche én montagna é diféramèn. L'idé di béhte vents ou mondo dou djor dé ouèi ».
Tsé dezeut o programma :
Devéndro 21 otobre
14h : iverteurra dou colloque Le bataye di vatche én montagna é diféramèn. L'idé di béhte vents ou mondo dou djor dé ouèi
21h : vizión dou film Combat de Reines dé Nicolas Steiner
Desando 22 otobre
9h : iverteurra dou colloque Le bataye di vatche én montagna é diféramèn. L'idé di béhte vents ou mondo dou djor dé ouèi
Desando aprédené é dumindje, le partisipàn poéràn aité le bataye di Réne qu'i sé féjéràn a l'Aréna da Croix-Noire dé Ohta.
Pé nen saé mach, vejeutteu o sito http://www.centre-etudes-francoprovencales.eu.