BREL : echpozitsión dé fotografie

16 / 24 septembre 2017 - Maison Barillier - Aoste

(patoué dé Bretsón)

Dou 16 ou 24 dé sétémbro, én occazión dé Plaisir de culture en Vallée d'Aoste, Maison Barillier - douque sé troa o BREL (Buró réjonal pé l'etnolojì é a lénguestécca) - acouèi l'echpozitsión dé fotografie Foule Folla.

A travers 19 fotografie a gro format, o parcours - réalizà pé o BREL - sé propoza comme un vouéyadjo vents l'ichtouére locala dou XX siécle, pé mézo dé y imadje di foule qu'i l'an émpì diférèn pocht pé d'événemèn particuyé : sérémogne, féhte, commémoratsión, martchì...

L'echpozitsión l'ét eunna béla occazión pé valorizé é fére cogniche ou pebléccco le fonts dé fotografie vardà ou BREL, qu'i reprézénton eun echtraordinére patrimouéne qu'ou l'at eunna valour antropolojécca, queulteurella é doquementére pé a Val d'Ohta.

O parcours, én pieuch, ou dona un piquió caro co i léngue dé a Val d'Ohta. Le fotografie, én effet, son acompagnà pé eunna didascalia én tré léngue : fransé, tayàn é patoué dou pocht douqu'i son ichtà feutte. Pé levré, y é saràn co dé échtrè dé journal dou tén qu'i couénton l'imadja.

Orére d'iverteurra :

Maison Barillier
16, Rue Croix-de-Ville, Aoste

16- 24 sétémbro 2017
9h - 19h, touì le djor

Intrà libbra