Bén de lénva a La Sola

01 / 03 juin 2012 - École Populaire de Patois

(patouè de Veullanoua)

L'Icoula Populéra de Patoué, beuttéte eun pià pe l'Assessorà de l'éducachón é de la queulteua de la Réjón otonomma Val d'Ousta, prézente son dirì randévoù - pe le course di 2011/2012 - avouì le bén de lénva eun patoué.

Lo bén l'è organizó a La Sola - di 1i i 3 jeun 2012 - deun lo Residence Le Petit Cœur, veladzo Chez-les-Gontier, 312 - Deurbe.

Nèisù de l'idó que an lénva pou po ihé divijéte di conteste istoreucco é sochal ioi que s'è developpéte é que son apprentissadzo pou po po tchan-ì contcho de la cougnisanse de la queulteua que l'a prouduita-là, hisse bén de lénva, organizó tsaque an pe l'Assessorà, complèton le course de l'Icoula Populéra eun baillèn la possibilitó de fée de bén de lénva, d'aggrégachón é d'aprofondissemàn di sujè llétó a la sivilizachón valdotèna.

Euncò pe lo bén de La Sola, comme pe tcheu le-z-otre bén que son reustó organizó, l'è prévù eun parcour didatteucco pe decouvrì lo territouéo. Voualà le-z-argumàn que sarèn developpó deun la feun de la senaa :

- La Sola é son istouére ;

- Lo tsanouéno Jean Domaine é la tsanhón populéra eun patoué ;

- Le Confrérì ;

- Lo groupe folcloreucco Les Sallereins (la Badoche) ;

- Lo veun blan de Mordzé é La Sola : le veugne pi ote d'Oroppa.

Le-z-euscrichón i bén son iverte canque i 4 mi queeun.

Le dzi euntéréchéte a s'icriye dèyon reumplire la fiche d'adéjón é la rendre i-z-oufficho de l'Assessorà po pi tar di dzoo deu.

Se pou detchardjé la fiche eungn alèn su lo site www.patoisvda.org, deun l'oufficho de Infoculture ou de l'Assessorà eun Creu-de-Veulla 16/18 eun Veulla.

Le partésipàn dèyon se prendre eun tsardzo le spèize pe :

- lo midjé é lo dremù (penchón complèta) ;

- iscrichón a l'Icoula Populéra de Patoué pe l'an 2011/2012 (26,00 euro).

Eunfourmachón :

Asséssorà de l'éducachón é de la queulteua
16, Creu-de-Veulla - 11100 Veulla
+39 0165 43386 - 363540
asspatois@regione.vda.it
www.patoisvda.org

Infoculture
18, Creu-de-Veulla - 11100 Veulla
Oréro: 9h00-12h30     14h00-16h30
+39 0165 265113 - 548116
infoculture@regione.vda.it
www.regione.vda.it/cultura

Annexe