A traditsión a Maison & loisir : y attévétà pé le minà

30 avril 2015 - Maison & Loisir

(patoué dé Bretsón)

Maison & loisir,l'echpozitsión so o mite,l'arua a cha catriéma éditsión é ivra le porte i « saé fére » dé a traditsión valdouchtana, argumàn dou « Projet de coopération territoriale transfrontalière I/F ETHNOLOGIA » é dé a 53^ éditsión dou concours pé y ehcole « Abbé J. B. Cerlogne ».

A modé dé dedjos 30 d'avrì é tanque dumindje 3 dé mai 2015, l'Assessorà réjonal dé l'éducatsión é dé a queulteurra - pé tsou projet - organiza eunna sérì d'animatsión pé le minà so le « saé fére » traditionnél.

Touì le djor, dé 14h a 18h, le piquiot vejeutteur poéràn dehcouvrì parì, vents d'ateyé echprés, le secret de cahcùn di travai é dé y attévétà pi particuyé é caratérizàn dé a Val d'Ohta.

Én pieuch, o 30 d'avrì, le 10 classe qu'i l'an prézentà le travai pi bé ou Concours Cerlogne, saràn récompensà éntó eunna vejeutta a y ateyé dé l'Assessorà douqu'i poéràn partisipé a y animatsión.

Totte le rehcontre i sé dérouléràn vents l'éra récréativa dou Salón.

Pé aé mach dé détai, poeu dehtchardjè a brochure ou vejeutté o sito énternet http://www.maisonloisir.it/.

Annexe