Tsertsa

Dichonéo

Contenù di site

Multimédià

Teste eun patoué

Documàn

32a Fiha Eunternachonala di Francoprovansal

17 septembre 2011  - Entremonts en Chartreuse

Avétsa l'imadze

(patouè de Veullanoua)

Lo francoprovansal sarè fitò, deun an magnii convignobla, lo 17 é 18 sétambre queeun i-z- Entremonts en Chartreuse (FR) eungn occajón de la 32a Fiha Eunternachonala di Francoprovansal.

La manifestachón l'a comme but la promochón, la difujón é la sovegarde di prédjé francoprovansal é l'è organizéte tsaque an, eun cou pe eun, pe le cattro comunitó que prèdzon heutta lenva (Savouè, Chouisse romanda, Valode piémontèze é Val d'Ouha). L'an pasó la fiha l'è reustéte organizéte eun Veulla é foudrè atendre 3-z-àn devàn que retournèye eun Valoda.

Heutta rancontre l'è eungn'occajón pe baillé an noua vitalitó i patouè eun lèi baillèn totta l'eumpourtanse qu'eun lèi dèi é, i mimo ten, pe beutté eun pià de rappor avouì de populachón que l'an la mima lenva é la mima queulteua.

Lo programme de heutta édichón vèi de conféranse é de débà su le tème di francoprovansal. Lèi sarèn euncò de moumàn de djouà, de moumàn queulterel dédià i tsanhón, i danhe, a la mezeucca, i téatre é a l'énogastronomiya.