Dzornoù de préparachón é de formachón pe lo Concours Cerlogne

(patouè de Vagrezentse)

Le dzornà d'eunformachón son nèisue pe achuréi (débutàn) é perféchoréi (perféchoremèn) la préparachón di-z-eunségnàn que partesipon ou Concours Cerlogne, que tchertche de euncoradjéi é de revéilléi l'eunteré é d'aprofondì la cougnisanse dou patoué é de la sivilizachón valdoténa euntre le mèinà.

Pe possèi conclure amoddo leur travaille, le-z-eunségnàn l'an fata de :

a) Cognéise le nochón de baze su la nateura é lo comportemèn dou francoprovansal (la conféranse leungueusteucca) ;
b) Cognéise le preunsipo de grafia propozà pe lo Santre é lo BREL pe le trasmettre i mèinà ;
c) Cognéise le preunsipo que achuron eun bon rezultà a l'eunquète orala é seurtoù documantéra;
d) Resèivre caque eundecachón é consèille a propó dou téme chouazì pe lo Concours (Prézentachón de la greuille).