Tsertsa

Dichonéo

Contenù di site

Multimédià

Teste eun patoué

Documàn

Des Visages et des mots I - La Val d'Ousta é le Valdotèn

Avétsa l'imadze

(patouè de Veullanoua)

Des Visages et des Mots l'è lo premii numéró d'an série de film su l'idantitó di Populachón Minoritée eungn Oroppa é deun lo Mondo ; lo but l'è hi de créé, deun lo ten, an collèchón de film que s'eunsérèison deun eun projè de reflèchón, d'étsandzo é d'analize su lo sanse di-z-idantitó é de hen que son destinéte a vin-i deun hi conteste todzoo pi globalizó.

Des Visages et des Mots 2009 tsertse de baillé an premii reponsa eun comenchèn avouì lo peuple Valdotèn ioi la parolla de senten-e de ommo, de fenne é mèinoù de tcheu éyadzo, sèxe é orijine prèdzon libramente é no baillon an premii reflèchón su lo sanse d'appartin-ensa d'an populachón a an comunitó.

Italie 2009, DVD - Réalizachón : Joseph Péaquin

Des Visages et des Mots II - La Bretagne et les Bretons

Avétsa l'imadze   

(patoué de Tsaensoù)

Comme le Valdotèn - que son itoù le protagoniste di premì numéró de seutta collechón de vidéó si le Peuple minoritére - le Bretón l'an eungn'identitoù é eunna quelteua forte, que no semblèye euntéréssàn a itedjì. Des Visages et des Mots - 2010 fé prèdjì le Bretón de tot éyadzo, orijine é appartenanse sochala, eun tsertsèn de féye vin-e foua - a traè la vouése é le-z-imadze - lo santemèn d'appartenanse de si peuple a seutta téra é a seutta queulteua.

Italie 2010, DVD - Réalizachón : Joseph Péaquin

Des Visages et des Mots III - Le Quebec et les Quebecois

Avétsa l'imadze

Aprì la prézentachón di dou premì volumo de la collechón de documantére si l'identitoù di peuple minoritére deun lo mondo, dedià i Valdotèn é i Bretón, choo lo tréjimo vidéó Des Visages et des Mots III - Le Québec et les Québécois, réalizoù pe Daniele Giometto. Lo problème di Québec, que l'è doì a l'eunterféranse di gouvernemèn canadièn, l'è splecoù pe de-z-artiste, de muzisièn, de rejiste, de-z- ommo poleteucco é de dzouin-o. Seutte dzi se batton tcheu le dzoo pe la libérachón di Québec é, surtoù, pe mantin-ì leue lenva, lo fransè.

Italie 2011, DVD - Réalizachón : Daniele Giometto

Des Visages et des Mots IV - La Louisiane et les Louisianais

Avétsa l'imadze

(patoué de Tsaensoù)

L'è itoù peblià lo catrimo volumo Des visages et des mots IV - La Louisiane et les Louisianais, réalizoù pe Daniele Giometto. Lo problème de la Louisiana, que l'è doì a l'eunterféranse di gouvernemèn, l'è splecoù pe de politisièn, de dzouin-o é totta sorta de dzi que t'accape pe lo tsemeun. Seutte dzi se batton tcheu le dzoo pe mantin-ì la leue lenva, lo fransé.

Italie 2012 - Réalizachón : Daniele Giometto