Lo boh dou tsahtagnì
Pé fae lé tet di mitte empiéyavon lo boh dé tsahtagnì. Tayavon dé grose herle pé fae la fihta é lé portameur é dé herle pieu piquiode pé fae lé tsévrón. Can lé herle sivon pé tera lé débrantchavon, lé piemavon, lé souyavon é lé tayavon dé mezeua. Di premì ten lé tet sivon fét to lé boh riòn. Apré y an cominhià a hcaré a cattro care lé fihte, lé portameur, lé cohtan-e é lé tsévrón.
Lé tavéPé tiyé lé régue djeuste pé résé lé tavé fantive beté la lignola a bagn avó dé coulor ou dé mon pihtà. In ommo d'in coté, l'atro dé l'atro coté tugnavon la lignola bietta a la mezeua djeusta é ign atro trepélave la lignola é la lichiave alé tot d'in crep pé matsì lo bión.
