Berseuse

(patouè de Gressàn)

Eunna di baye pi complequéye é i mimo tén pi euntéressante di tsansón populére, eun jénéral, é di berseuse, eun partiqueillì, l'é llatoù i fé que le tsansón son restéye vivante, deun eun gran nombro de ca, mersì a la tradechón orala. L'a, pe seutta rèizón, de caratéo partiqueillì di queulteue a trasmechón orala, comme la predispozechón a eumpléyì lo "botse-i-bouigno".

La berseusa l'è comme la queulteu de iaou veun, è fé vére de baye gropéye a la mitolojì, l'istouére, le léjande mi euncò an canquitoù de problème psicolojique, di personne é de la sosiétoù.

Eumpléyéye pe fiye eundrimì le pégno popón, la berseusa l'a le rèise deun lo conteste sosial de la quemeun-etoù de campagne e de la fameuille patriarcala, iaou l'é caze totta djestiya di femalle de tcheu le-z-éyadzo : le berseuse son pa tsantéye renque di mamme, mi euncò de totte le fenne de la fameuille, le gran-mée, le seaou pi viille, le tante que pouon le ramplachì deun si devouê.

Fa nanna

Fa nanna
Petchoù popòn
Fa nanna
Dedeun le bré de mamma
Fa nanna que l'è dza nat
Se te drume po
Veun lo tsat
É te fa la feun di rat !

Son

  • Fa nanna

    Pe écouté lo sonore n'a fata de adobe flash player. Fiye clic si l'imadze 'Get Adobe Flash Player" pe lo eunstallé
    Get Adobe Flash player

Néné bambàn

Néné bambàn
Pégno popón de mamma
Resta tranquillo
Perqué pappa fi de bombón
Pe l'écouila di popón
Néné bambàn

Son

  • Néné bambàn

    Pe écouté lo sonore n'a fata de adobe flash player. Fiye clic si l'imadze 'Get Adobe Flash Player" pe lo eunstallé
    Get Adobe Flash player

Nana don don

Nana don don
Lo piquiot rebatón
Nana conquetta
La bella fiyetta

Son

  • Nana don don

    Pe écouté lo sonore n'a fata de adobe flash player. Fiye clic si l'imadze 'Get Adobe Flash Player" pe lo eunstallé
    Get Adobe Flash player