Tsertsa

Dichonéo

Contenù di site

Multimédià

Teste eun patoué

Documàn

O Boc

Boc patoué
Boc patoué

(patoué dé Bretsón) 

A pianetta qu'a comanda tsou segn l'è Saturne, l'élémèn l'é a tèra.
O Soroi pasa nou signe tra o 22 dé guijémbro é o 20 dé djénì.
Coulour : o nér.
Pira da chanse : l'onyx.
Métal : o piomp.
Djor chansà : o desando.

Caratére

Le djen dou Boc son d'acohtuma dé bon diplomatécco. San ése rechponsabio, ma co pessimiste. I son fir dé iour mémo é i lamméron ése damón y atre. Mersì a iour patsiéntsa, i san comèn souilé le djen djeucht qu'i poéron aidé-ie a réalizé le iour obiéttif. Tramèn qu'i son djoen, l'an a cohtuma dé campé vià sot é tén, ma un co qu'i son créchù o couénquio én banca ou vièn a tchoza pi émportanta. Son bon né y afére é son dé gran travayeur.
Vo le djen lammon mouhtré comme beyet dé vejeutta fran a iour retchètsa, convencù qué tsén écquie ié poesse aidé.
I l'an jamé présa, son pa bres é i créon na bona éducatsión qué ié aida a aroé a dé pozitsión dé pouvouer.


A coza qu'i son timidde é co quiécca égoiste, soèn i rehton solet é i sé marion pa. Én pieuch, son pa bon a mouhtré o iour amour é le iour santimèn. Ma vo le minà son teu diféramèn: i ié lammon é i sé mariéron pacque pé aé-nen.
Dou pouén dé vu da salutte, poon aé dé rèouma é d'artritte, belle sé én vénèn vièi i vennon pi rebeucht.