55° Concoù Cerlogne

(patoué deTsaensoù)

Pe l'an scolère 2016/2017 eungn a cherdù l'argumàn Riye, galopé, djouì.

Pe nen saì de pi si l'argumàn, vezeuttade la séchón Le sujé di Concour.

Lo concour l'è rezervoù i-z-eunségnàn é i-z-icouillì di-z-icoulle maternelle é élémantére ; i professeur é i-z-icouillì di-z-icoulle sécondére de premì é de secón grado.

La partisipachón i concour l'è gratouita é dimande la prézentachón, a l'Asséssorà, di rezultà di traaille de retsertse fé, eun patoué, si lo sujé itablì.

Eidzo leungueusteucco
Lo Guetset leungueusteucco de l'Assessorà fornèi eungn èidzo leungueusteucco i-z-eunségnàn que féyon dimanda pe revire le teste eun patoué di traaille de retsertse que sarén pi prézentoù.

Parcour d'animachón eun francoprovensal
Eun pi, l'Assessorà propouze eun parcour d'animachón eun francoprovensal avouì l'euntenchón de permettre i-z-élève que cougnisson pa é que prèdzon pa lo patoué, de déquevrì la lenva. 
Si parcour prévèi l'euntervenchón eun cllasse d'esper leungueusteucco, aprestoù pe so, que prodouèison pi le contenù de seutte rancontre d'animachón si lo sujé di concour.

Fita finala
La fita finala de la 55a édichón di Concours Cerlogne saré féte a Pontey, lo 11 é 12 de mi 2017. Llouà é date sarèn pi deutte pi tar i partisipàn. Le-z-espèize de transpor sarén a tsardzo de l'Assessorà.

Le-z-atre ranségnemèn si la 55a édichón di concour sarén pi drè baillà i partisipàn aprì avèi resì le-z-eunscrichón.