De ioi ian-tì lo non Vaticàn ?

Commune: Arvier
Catégorie: Scientifique
Pour entendre l'audio vous avez besoin de Adobe Flash Player. Vous pouvez cliquer sur l'image 'Get Adobe Flash player' pour l'installer.
Get Adobe Flash player

Deun lo vioù ten, lo Vaticàn l’ii lo non d’eun tsantì de Roma, di coutì drè di Tevere, fran eun fahe di Tsan de Mars é a draite di Gianicolo.
Devàn l’ii an litse malsan-a é umida ; l’ii to vôco, moque bon pe alé eun tsan.
Tchica de ten aprì, Agrippina l’a fa fée de dzen quiourtì su pe le premì drè de la couha.
É l’ampéreur Nérón l’a fa batì eun pitchoù sirque privó ; lé dedeun soun ihó tchoué le premì martire crétchèn, é euntre leue feunque l’apotre Pière que l’è ihó eunterró fran lé.
Dèi adòn, hi tsantì l’è gnan-ù eun chemichéo : tan pe le payèn que pe le crétchèn, canque i ten de l’ampéreur Costanteun que, deun le-z-àn que voun di 326 i 333 aprì Jézù Cri, l’a baillà odre de fée eumplan-ì lo sondzón de la criha pe fée bâtì la premie bazeleucca dediée a sen Pière.
L’è moque dèi l’an 1870 que lo Vaticàn l’è la rézidanse di sen Pée ; i Moyèn Adzo llu reustoo deun lo Palè di Latràn, é pi tâ deun d’otre eumpourtante bâtise de Roma, comme lo Quirinale, que i dzoo de vouì l’è la rézidanse di prézidàn de la repebleucca italienna.

Prai de: www.focus.it , joueun 2002

français

D’où vient-il le nom Vatican ?

Vatican, dans l’antiquité, était le nom d’un col de Rome, qui s’élevait sur la rive droite du Tibre, en face du Champ de Mars et à droite du Janicule.
C’était un lieu malsain et humide, où il y avait des champs non cultivés qui se prêtaient bien au pâturage.
Ensuite Agrippina créa des jardins sur les premières pentes du col, alors que l’Empereur Néron y fit construire un petit cirque privé. Là furent exécutés les premiers martyres chrétiens (parmi lesquels l’apôtre Pierre, qui y fut aussi enseveli).
Le col devient donc un cimetière, payen et chrétien, jusqu’au moment où Costantin, entre 326 et 333 ap. J-C, en fit niveler le sommet et y construit la première basilique dédiée à Saint Pierre.
C’est seulement à partir de l’an 1870 que le Vatican est devenu la résidence du Pape : au Moyen Âge, en effet, il résidait dans le Palais du Latran, et ensuite il déplaça sa demeure dans d’autres palais romains, parmi lesquels le Quirinal, aujourd’hui demeure du Président de la République italienne.

Tiré de : www.focus.it, juin 2002

Annexes