De ioù veun lo noun Vaticàn ?

Commune: Roisan
Catégorie: Scientifique

D’eun cou, lo Vaticàn l’iye lo noun d’eun tsantì de Romma, di coutì dret di Tevere, fran eun fase di Tsan de Mars é a drèite di Gianicolo.
Dampremì l’iye eunna litse mâsan-a é umida ; to vaco, mèe boun pe alì eun tsan.
Djica de tèn aprì, de sisse croué vaco ba i pià de la couta, Agrippina l’a fé de dzén prou.
Todzoo lé pe lo Vaticàn, l’ampéreur Nérón l’a fé fée eun pégno sirque privó ; lé dedeun soun itó tchoué le premì martire critchèn, é euntre leue euncó l’apotre Pière que l’é itó eunterró fran lé.
Dèi adoùn, si tsantì l’é vin-ì eun semeteurio tan pe le payèn que pe le critchèn, tanque i tèn de l’ampéreur Costanteun que, deun le-z-àn que van di 326 i 333 aprì Jezù Cri, l’a baillà odre de fée eumplan-ì lo sondzón de la crita pe lèi fée bâtì la premiye bazeleucca dediaye a sèn Pière.
L’é maque dèi l’an 1870 que lo Vaticàn l’é la rezidanse di Sèn Pée ; i Moyèn-Adzo lli restèe deun lo palé di Latràn, é pi tar l’é tramo-se deun d’atre eumpourtante bâtize de Romma, comme lo Quirinale, que i dzor de oueu l’é la rezidanse di prézidàn de la repebleucca italienna.

français

D’où vient-il le nom Vatican ?

Vatican, dans l’antiquité, était le nom d’un col de Rome, qui s’élevait sur la rive droite du Tibre, en face du Champ de Mars et à droite du Janicule.
C’était un lieu malsain et humide, où il y avait des champs non cultivés qui se prêtaient bien au pâturage.
Ensuite Agrippina créa des jardins sur les premières pentes du col, alors que l’Empereur Néron y fit construire un petit cirque privé. Là furent exécutés les premiers martyres chrétiens (parmi lesquels l’apôtre Pierre, qui y fut aussi enseveli).
Le col devient donc un cimetière, payen et chrétien, jusqu’au moment où Costantin, entre 326 et 333 ap. J-C, en fit niveler le sommet et y construit la première basilique dédiée à Saint Pierre.
C’est seulement à partir de l’an 1870 que le Vatican est devenu la résidence du Pape : au Moyen Âge, en effet, il résidait dans le Palais du Latran, et ensuite il déplaça sa demeure dans d’autres palais romains, parmi lesquels le Quirinal, aujourd’hui demeure du Président de la République italienne.

Tiré de : www.focus.it, juin 2002

Annexes