De ieui veun-tì lo non Vaticàn ?

Commune: Aymavilles
Catégorie: Scientifique
Pour entendre l'audio vous avez besoin de Adobe Flash Player. Vous pouvez cliquer sur l'image 'Get Adobe Flash player' pour l'installer.
Get Adobe Flash player

De ieui veun-tì lo non Vaticàn ?

Deun le vioù ten, lo Vaticàn l’ie lo non d’eun tsantì de Roma, di djé dret di Tevere, fran eun fase di Tsan de Mars é a drèite di Gianicolo.
Da premì l’ie an litse mâsan-a é umida ; l’ie to vâco, maque bon p’alé eun tsan.
Tchica de ten aprì, Agrippina l’a fé de dzen dzardeun de sisse croué vâco ba i pià de la couta.
Todzor lé pe lo Vaticàn, l’ampereur Nérón l’a fé fiye eun petchoù sirque privó ; lé dedeun son itó tchouè le premì martire crétchèn, é euncó l’apotre Piére que l’è itó eunterró fran lé.
Dèi adón, si tsantì l’è viìn eun semetchio : tan pe le payèn que pe le crétchèn, tanque i ten de l’ampereur Costanteun que, deun le-z-àn que van di 326 i 333 aprì Jezù Cri, l’a baillà odre de eumplan-é lo sondzón de la crita pe bâtì la premiye bazeleucca dédiaye a sen Piére.
L’è maque dèi l’an 1870 que lo Vaticàn l’è la rezidanse di sen Pée : i moyèn adzo llu itae deun lo Palé di Latràn é pi tar s’è tramó deun d’atre eumpourtante bâtisse de Roma, comme lo Quirinale, que i dzor de oueu l’è la rézidanse di prézidàn de la repebleucca italiéna.

Prèi de : www.focus.it, jeun 2002

français

D’où vient-il le nom Vatican ?

Vatican, dans l’antiquité, était le nom d’un col de Rome, qui s’élevait sur la rive droite du Tibre, en face du Champ de Mars et à droite du Janicule.
C’était un lieu malsain et humide, où il y avait des champs non cultivés qui se prêtaient bien au pâturage.
Ensuite Agrippina créa des jardins sur les premières pentes du col, alors que l’Empereur Néron y fit construire un petit cirque privé. Là furent exécutés les premiers martyres chrétiens (parmi lesquels l’apôtre Pierre, qui y fut aussi enseveli).
Le col devient donc un cimetière, payen et chrétien, jusqu’au moment où Costantin, entre 326 et 333 ap. J-C, en fit niveler le sommet et y construit la première basilique dédiée à Saint Pierre.
C’est seulement à partir de l’an 1870 que le Vatican est devenu la résidence du Pape : au Moyen Âge, en effet, il résidait dans le Palais du Latran, et ensuite il déplaça sa demeure dans d’autres palais romains, parmi lesquels le Quirinal, aujourd’hui demeure du Président de la République italienne.

Tiré de : www.focus.it, juin 2002

Annexes